www.sjobirtingur.is

Laxá og Brúará
í Fljótshverfi
Veiðitímabil 2022 
September er uppseldur - 3 dagar lausir í október
Í ágúst er góð veiðivon ef það er gott vatn í ánum.
 

Fljótshverfi er austur af Síðu í Skaftárhreppi.  

Veiðisvæðið afmarkast af; Reykjarhyl í Laxá, fossi ofan við Manghyl í Brúará og vatnamótum við Djúpá eða allnokkuð niður með varnargarði neðan við þjóðveg 1. Veiðisvæðið og umhverfi er fallegt og eru veiðistaðir fjölmargir og fjölbreyttir. Aðeins er um haustveiði að ræða en uppistaða í veiði er Sjóbirtingur en einnig veiðist þar bleikja og stöku lax.  Áður fyrr var hér um mikla matarkistu að ræða fram eftir hausti og afli saltaður fyrir veturinn, en síðustu áratugi hefur aðeins verið veitt á stöng.  

Verð.  Veiðidagur kostar kr 60.000 fyrir tvær stangir.  Aðeins er boðið upp á tvær stangir.  Veitt er í ágúst, september og frameftir október. Ekkert veiðihús er á staðnum.  

Við bókun þarf að skrá nöfn veiðimanna sem ætla að mæta.  Verði breyting þar á þarf að tilkynna þá breytingu tímanlega. 

Tilmæli til veiðimanna

​

Veiðitakmarkanir.  Mælst er til þess að fiskum sé sleppt eins og kostur er.  Fiskstofnar á svæðinu hafa orðið fyrir áföllum vegna eldgosa, landbreytinga auk breyttra skilyrða í hafi.  Miklar viðhorfsbreytingar hafa orðið hjá veiðimönnum til batnaðar og margt bendir til að veiðisvæðið sé að ná sér á ný. Eftir 10. október má aðeins nota smáa öngla og öllum afla skal sleppt. Aflatölur 

Ef veiðimenn eru uppvísir að því að fara á svig við reglur og tilmæli um agn og fjölda stanga, þá er það einfaldlega veiðiþjófnaður.

​

Skráning afla.  Nauðsynlegt er að skrá afla rétt.  Þetta á einnig við um fisk sem er sleppt. Röng skráning og engin skráning á veiddum fiski leiðir til rangra greininga og þar með rangra ályktana hjá Hafró. Veiðibók

​

Umgengni.  Vegir og slóðar liggja skammt frá öllum veiðistöðum.  Engin ástæða er til að keyra utan þeirra.  Veiðimenn eru upp til hópa náttúruunnendur og eru komnir á veiðisvæðið til að njóta.

​