www.sjobirtingur.is

Laxá og Brúará
í Fljótshverfi

Veiðitímabilið 2026
Fastakúnnum gefst nú kostur á að taka frá daga

Verðskrá veiðitímabilið haust 2026

Veiðidagur kostar kr 90.000 í september og október.

Veiðidagur kostar kr 50.000 í ágúst

Innifalið í verði eru 2 stangir.

Veitt er frá morgni til kvölds alla daga vikunnar nema þriðjudaga. Þriðjudagar eru bændadagar. Veiðitímabilið er 2.ágúst til 20.október.

Ekkert veiðihús er á staðnum en fjölmargir gistimöguleikar eru í næsta nágrenni.

Rafræn veiðibók

Fá lykilorð sent

Gamla veiðibókin er aflögð og nú

er veiðin skráð rafrænt.

Allir veiðimenn skulu skrá afla samviskusamlega og fylla út í alla reiti. Mikilvægt er að velja rétta dagsetningu hafi skráning ekki átt sér stað samdægurs. Það er slæmt að draga skráningu því að fjölmargir fylgjast með gangi mála.

Veiðitímbil 2026

Greiðsluupplýsingar

kt 031063-3969

reikn. 0317-13-153111

Greiðslutilkynningu skal senda á hordur.hauksson@simnet.is

Bókun er ekki staðfest öðruvísi en með greiðslu.

Við bókun þarf að skrá símanúmer, netfang og nöfn allra veiðimanna sem ætla að mæta. Verði breyting þar á þarf að tilkynna þá breytingu tímanlega.

Tilmæli til veiðimanna

Veiðitakmarkanir.

Mælst er til þess að fiskum sé sleppt eins og kostur er. Fiskstofnar á svæðinu hafa orðið fyrir áföllum vegna eldgosa, landbreytinga auk breyttra skilyrða í hafi. Miklar viðhorfsbreytingar hafa orðið hjá veiðimönnum til batnaðar og margt bendir til að veiðisvæðið sé að ná sér á ný. Eftir 10. október má aðeins nota smáa öngla og öllum afla skal sleppt. Aflatölur

Ef veiðimenn eru uppvísir að því að fara á svig við reglur, þá er það einfaldlega veiðiþjófnaður.

Skráning afla. Nauðsynlegt er að skrá afla rétt. Þetta á einnig við um fisk sem er sleppt. Röng skráning og engin skráning á veiddum fiski leiðir til rangra greininga og þar með rangra ályktana hjá Hafró. Hér er gamla eyðublaðið sem hentar til forskráningar Veiðibók

Umgengni. Vegir og slóðar liggja skammt frá öllum veiðistöðum. Engin ástæða er til að keyra utan þeirra. Veiðimenn eru upp til hópa náttúruunnendur og eru komnir á veiðisvæðið til að njóta.

Veiðikort pdf

Þegar veiðitímabili er lokið, þá koma fiskarnir fram í dagsljósið, ræða saman og bera saman bækur sínar.

Fljótshverfi er austur af Síðu í Skaftárhreppi.

Veiðisvæðið afmarkast af; Reykjarhyl í Laxá, fossi ofan við Manghyl í Brúará og vatnamótum við Djúpá eða allnokkuð niður með varnargarði neðan við þjóðveg 1. Veiðisvæðið og umhverfi er fallegt og eru veiðistaðir fjölmargir og fjölbreyttir. Aðeins er um haustveiði að ræða en uppistaða í veiði er Sjóbirtingur en einnig veiðist þar bleikja og stöku lax. Áður fyrr var hér um mikla matarkistu að ræða fram eftir hausti og afli saltaður fyrir veturinn, en síðustu áratugi hefur aðeins verið veitt á stöng.